سیدنا ابوبرزہ رضی اللہ عنہ سے روایت ہے کہ نبی کریم صلی اللہ علیہ وسلم کی نو ازواجِ مطہرات تھیں، آپ صلی اللہ علیہ وسلم نے ایک دن ارشاد فرمایا: ”تم میں سے بہترین وہ ہے جس کا ہاتھ سب سے لمبا ہو۔“ یہ سن کر تمام ازواجِ مطہرات اٹھ کھڑی ہوئیں اور (لمبائی ناپنے کے لیے) اپنا اپنا ہاتھ دیوار پر رکھنے لگیں، تو رسول اللہ صلی اللہ علیہ وسلم نے حقیقت واضح کرتے ہوئے ارشاد فرمایا: ”میری مراد یہ (ظاہری لمبائی) نہیں ہے، بلکہ میری مراد وہ ہے جو تم میں سب سے زیادہ ہنر مند اور محنتی (یعنی اپنے ہاتھ کی کمائی سے صدقہ و خیرات کرنے والی) ہے۔“ [المطالب العالية بزوائد المسانيد الثمانية/كتاب الزكاة/حدیث: 970]