سیدنا حذیفہ رضی اللہ عنہ سے روایت ہے کہ انہوں نے فرمایا کہ میں نے نبی کریم صلی اللہ علیہ وسلم کو اپنے سینے سے ٹیک لگا کر سہارا دیا ہوا تھا کہ اسی دوران آپ صلی اللہ علیہ وسلم نے ارشاد فرمایا: ”جس نے اللہ تعالیٰ کی رضا و خوشنودی حاصل کرنے کے لیے ایک دن کا روزہ رکھا اور اس کی زندگی کا اختتام اسی عملِ خیر پر ہوا تو وہ جنت میں داخل ہو گیا۔“ [المطالب العالية بزوائد المسانيد الثمانية/كتاب الصيام/حدیث: 998]