سیدنا کعب بن عجرہ رضی اللہ عنہ سے روایت ہے، وہ کہتے ہیں: رسول اللہ صلی اللہ علیہ وسلم نے ایک لشکر روانہ کیا اور فرمایا: ”اگر اللہ انہیں سلامت رکھے تو میں ضرور اس کا شکر ادا کروں گا“، یا فرمایا: ”میرے ذمے یہ (بات) ہے کہ اگر اللہ انہیں سلامت رکھے تو میں اس کا شکر ادا کروں۔“ چنانچہ وہ مالِ غنیمت لے کر سلامتی سے واپس آئے، تو آپ صلی اللہ علیہ وسلم نے فرمایا: ”اے اللہ! تیرے لیے شکر کے ساتھ حمد ہے، اور تیرے ہی فضل سے یہ احسان ہے۔“ لوگ انتظار کرتے رہے کہ آپ (شکرانے کے طور پر) کچھ خاص کریں گے، مگر انہوں نے آپ صلی اللہ علیہ وسلم کو کچھ کرتے نہ دیکھا، تو عرض کیا: اے اللہ کے رسول! آپ نے تو وہ بات فرمائی تھی جو فرمائی تھی؟ آپ صلی اللہ علیہ وسلم نے فرمایا: ”کیا میں نے یہ نہیں کہا تھا: اے اللہ! تیرے لیے شکر کے ساتھ حمد ہے، اور تیرے ہی فضل سے یہ احسان ہے؟“ [المعجم الكبير للطبراني/باب الكاف/حدیث: 16366]