سیدہ میمونہ رضی اللہ عنہا فرماتی ہیں: ”میں نے رسول اللہ صلی اللہ علیہ وسلم کے غسلِ جنابت کے لیے پانی قریب رکھا، تو آپ صلی اللہ علیہ وسلم نے اپنا ہاتھ دو یا تین بار دھویا، پھر اپنے دونوں ہاتھ برتن میں ڈالے اور انہیں اپنی شرمگاہ پر بہا کر بائیں ہاتھ سے اسے دھویا، پھر اپنا بایاں ہاتھ زمین پر مار کر خوب مَلا، پھر نماز جیسا وضو کیا، پھر اپنے سر پر تین چُلّو بھر بھر کر پانی ڈالا، پھر اپنا باقی جسم دھویا، پھر اپنی جگہ سے ہٹ کر اپنے پاؤں دھوئے، پھر میں ان کے پاس تولیہ لے کر آئی تو آپ صلی اللہ علیہ وسلم نے اسے واپس کر دیا۔“ [المعجم الكبير للطبراني/مسند النساء/حدیث: 20326]