سیدہ میمونہ رضی اللہ عنہا فرماتی ہیں: ”میں نے نبی کریم صلی اللہ علیہ وسلم کے لیے غسلِ جنابت کا پانی رکھا، تو آپ صلی اللہ علیہ وسلم نے برتن کو اپنے دائیں ہاتھ پر جھکایا اور اسے دو یا تین بار دھویا، پھر اپنی شرمگاہ پر پانی بہا کر اسے بائیں ہاتھ سے دھویا، پھر اپنا ہاتھ زمین پر مار کر دھویا، پھر کلی کی اور ناک میں پانی ڈالا اور اپنا چہرہ اور ہاتھ دھوئے، پھر اپنے سر اور جسم پر پانی بہایا، پھر ایک طرف ہٹ کر اپنے پاؤں دھوئے، پھر میں نے آپ صلی اللہ علیہ وسلم کو تولیہ پیش کیا تو آپ صلی اللہ علیہ وسلم نے اسے نہ لیا اور اپنے جسم سے پانی جھاڑنے لگے۔“ [المعجم الكبير للطبراني/مسند النساء/حدیث: 20327]