سیدہ اسماء بنت ابی بکر رضی اللہ عنہا سے روایت ہے کہ جب عبداللہ بن زبیر پیدا ہوئے تو انہیں نبی کریم صلی اللہ علیہ وسلم کے پاس لایا گیا، آپ صلی اللہ علیہ وسلم نے انہیں مَلا اور ان کے لیے دعا فرمائی اور ان کا نام عبداللہ رکھا، پھر جب وہ سات یا آٹھ سال کے ہوئے تو زبیر رضی اللہ عنہ کے حکم پر رسول اللہ صلی اللہ علیہ وسلم سے بیعت کرنے آئے، تو رسول اللہ صلی اللہ علیہ وسلم نے جب انہیں اپنی طرف آتے دیکھا تو مسکرا دیے، اور ان سے بیعت لی۔ [المعجم الكبير للطبراني/مسند النساء/حدیث: 20715]