ابوسلمہ رحمہ اللہ سیدہ فاطمہ بنت قیس رضی اللہ عنہا سے روایت کرتے ہیں کہ وہ بنو مخزوم کے ایک آدمی کے نکاح میں تھیں، تو اس نے انہیں حتمی طلاق دے دی، تو انہوں نے اس کے گھر والوں کے پاس نفقہ طلب کرنے کے لیے پیغام بھیجا، انہوں نے کہا: تمہارا ہم پر کوئی نفقہ نہیں، یہ بات رسول اللہ صلی اللہ علیہ وسلم تک پہنچی تو آپ صلی اللہ علیہ وسلم نے فرمایا: ”تمہارا ان پر کوئی نفقہ نہیں، اور تم پر عدت ہے، تم ام شریک کے ہاں منتقل ہو جاؤ۔“ پھر فرمایا: ”ام شریک کے ہاں تو ابتدائی مہاجرین میں سے اس کے بھائی آتے جاتے رہتے ہیں، تم ابن ام مکتوم کے ہاں منتقل ہو جاؤ، کیونکہ وہ ایک نابینا آدمی ہے، اگر تم اپنے کپڑے اتارو تو وہ کچھ نہیں دیکھے گا، تو اپنے معاملے میں ہمیں نظرانداز نہ کرنا۔“ جب وہ حلال ہوئیں تو کئی لوگوں نے انہیں پیغامِ نکاح بھیجا، تو نبی کریم صلی اللہ علیہ وسلم نے فرمایا: ”تم اسامہ کو کیوں نہیں اپناتیں؟“ گویا ان کے گھر والوں کو یہ بات ناپسند تھی، تو انہوں نے کہا: اللہ کی قسم! میں اسی سے نکاح کروں گی جو رسول اللہ صلی اللہ علیہ وسلم نے فرمایا، چنانچہ انہوں نے اس سے نکاح کر لیا۔ [المعجم الكبير للطبراني/مسند النساء/حدیث: 21286]