ابوسلمہ رحمہ اللہ کہتے ہیں: میں نے یہ بات سیدہ فاطمہ بنت قیس رضی اللہ عنہا کے منہ سے (سن کر) لکھی، وہ کہتی ہیں: میں بنو مخزوم کے ایک آدمی کے نکاح میں تھی، اس نے مجھے حتمی طلاق دے دی، تو میں نے اس کے گھر والوں کے پاس نفقہ طلب کرنے کے لیے پیغام بھیجا، انہوں نے کہا: تمہارا ہم پر کوئی نفقہ نہیں، تو رسول اللہ صلی اللہ علیہ وسلم نے فرمایا: ”تمہارا ان پر کوئی نفقہ نہیں، اور تم پر عدت ہے، تم ام شریک کے ہاں منتقل ہو جاؤ، اور اپنے معاملے میں ہمیں نظرانداز نہ کرنا۔“ پھر فرمایا: ”ام شریک کے ہاں تو ابتدائی مہاجرین میں سے اس کے بھائی آتے جاتے رہتے ہیں، بلکہ تم ابن ام مکتوم کے ہاں منتقل ہو جاؤ، کیونکہ اس کی بینائی جا چکی ہے، اگر تم کچھ اتارو تو وہ کچھ نہیں دیکھے گا۔“ [المعجم الكبير للطبراني/مسند النساء/حدیث: 21287]