بنو اسد کی ایک صحابیہ رضی اللہ عنہا بیان کرتی ہیں: میں ایک دن سیدہ زینب رضی اللہ عنہا، رسول اللہ صلی اللہ علیہ وسلم کی اہلیہ، کے پاس تھی، اور ہم گیرو (سرخ مٹی) سے کپڑے رنگ رہی تھیں۔ ہم اسی حال میں تھیں کہ رسول اللہ صلی اللہ علیہ وسلم ہمارے پاس آئے، جب آپ صلی اللہ علیہ وسلم نے گیرو دیکھا تو واپس چلے گئے۔ جب سیدہ زینب رضی اللہ عنہا نے یہ دیکھا تو سمجھ گئیں کہ رسول اللہ صلی اللہ علیہ وسلم نے اس کام کو ناپسند کیا ہے، چنانچہ انہوں نے پانی لے کر اپنے کپڑے دھوئے اور ہر سرخی چھپا دی۔ پھر رسول اللہ صلی اللہ علیہ وسلم واپس آئے اور دیکھا تو کچھ نظر نہ آیا، چنانچہ آپ صلی اللہ علیہ وسلم اندر تشریف لے آئے۔ [المعجم الكبير للطبراني/مسند النساء/حدیث: 21918]