سیدنا جریر رضی اللہ عنہ کہتے ہیں: دیہات کے کچھ لوگ دھاری دار اونی چادریں اوڑھے ہوئے نبی کریم صلی اللہ علیہ وسلم کے پاس آئے اور آپ صلی اللہ علیہ وسلم سے سوال کیا۔ نبی کریم صلی اللہ علیہ وسلم نے لوگوں کو صدقہ کی ترغیب دی تو انہوں نے اس میں دیر کی، یہاں تک کہ اس کا اثر رسول اللہ صلی اللہ علیہ وسلم کے چہرے پر پہچانا گیا۔ پھر انصار میں سے ایک آدمی سونے کا ایک ٹکڑا لے کر آیا اور اسے ڈال دیا، پھر لوگ صدقہ دینے میں ایک دوسرے کے پیچھے آنے لگے، یہاں تک کہ رسول اللہ صلی اللہ علیہ وسلم کے چہرے پر خوشی نمایاں ہو گئی، اور آپ صلی اللہ علیہ وسلم نے فرمایا: ”جو شخص کوئی اچھا طریقہ رائج کرے اور اس کے بعد اس پر عمل کیا جائے، تو اسے اس کا اور اس پر عمل کرنے والوں کا ثواب ملے گا، بغیر اس کے کہ ان کے ثواب میں کوئی کمی ہو۔ اور جو شخص کوئی برا طریقہ رائج کرے اور اس پر عمل کیا جائے، تو اس پر اس کا اور اس پر عمل کرنے والوں کا گناہ ہوگا، بغیر اس کے کہ ان کے گناہ میں کوئی کمی ہو۔“ [المعجم الكبير للطبراني/باب الجيم/حدیث: 2299]