سیدنا ابو سعید خدری رضی اللہ عنہ سے روایت ہے کہ غزوہ خیبر کے دن ہمیں کچھ گدھے میسر آئے، پس ہانڈیاں ان کے گوشت کے ساتھ جوش مار رہی تھیں کہ رسول اللہ صلی اللہ علیہ وسلم نے دریافت فرمایا: ”یہ کیا ہے؟“ ہم نے عرض کیا: یہ وہ گدھے ہیں جو ہمیں حاصل ہوئے ہیں۔ آپ صلی اللہ علیہ وسلم نے دریافت فرمایا: ”کیا یہ جنگلی ہیں یا پالتو؟“ ہم نے عرض کیا: نہیں، بلکہ یہ پالتو گدھے ہیں۔ آپ صلی اللہ علیہ وسلم نے حکم صادر فرمایا: ”تو پھر انہیں انڈیل دو (یعنی ہانڈیاں الٹ دو)“، راوی بیان کرتے ہیں کہ پس ہم نے انہیں انڈیل دیا۔ [مسند أبي يعلى الموصلي/من مسند أبي سعيد الخدري/حدیث: 1183]