سیدنا ابوسعید خدری رضی اللہ عنہ سے روایت ہے کہ انہوں نے رسول اللہ صلی اللہ علیہ وسلم کو یہ ارشاد فرماتے ہوئے سنا: ”جب تم میں سے کوئی شخص ایسا خواب دیکھے جسے وہ پسند کرتا ہو تو یقیناً وہ اللہ تعالیٰ کی جانب سے ہوتا ہے، پس اسے چاہیے کہ اس پر اللہ کی حمد و ثنا کرے اور اسے (دوسروں سے) بیان کرے، اور جب اس کے علاوہ کوئی ایسا خواب دیکھے جسے وہ ناپسند کرتا ہو تو وہ شیطان کی طرف سے ہوتا ہے، لہٰذا اسے چاہیے کہ اس کے شر سے اللہ کی پناہ طلب کرے اور کسی کے سامنے اس کا تذکرہ نہ کرے، تو وہ خواب اسے ہرگز کوئی نقصان نہیں پہنچا سکے گا۔“ [مسند أبي يعلى الموصلي/من مسند أبي سعيد الخدري/حدیث: 1363]