نافع بن سرجس رحمہ اللہ بیان کرتے ہیں کہ میں مکہ مکرمہ میں سیدنا ابو واقد لیثی رضی اللہ عنہ کی خدمت میں ان کی اس بیماری کے دوران حاضر ہوا جس میں ان کی وفات ہوئی، تو میں نے انہیں فرماتے ہوئے سنا، یا انہوں نے مجھ سے فرمایا کہ: ”رسول اللہ صلی اللہ علیہ وسلم لوگوں میں سب سے زیادہ ہلکی (مختصر) نماز پڑھانے والے تھے اور اپنی ذات پر اس کی پابندی و ہمیشگی کرنے میں سب سے زیادہ مستقل مزاج تھے۔“ [مسند أبي يعلى الموصلي/مسند أبي واقد الليثي/حدیث: 1449]