ابو عبید رحمہ اللہ (بنو زہرہ کے آزاد کردہ غلام) سے روایت ہے کہ انہوں نے بیان کیا کہ میں سیدنا عمر بن خطاب رضی اللہ عنہ کے ساتھ عید کی نماز میں حاضر ہوا، آپ رضی اللہ عنہ نے خطبے سے پہلے نماز کا آغاز کیا اور فرمایا کہ رسول اللہ صلی اللہ علیہ وسلم نے ”ان دو دنوں میں روزہ رکھنے سے منع فرمایا ہے؛ رہا عید الفطر کا دن تو وہ تمہارے روزوں کے افطار کا دن ہے اور رہا عید الاضحٰی کا دن تو تم (اس میں) اپنی قربانیوں کا گوشت کھایا کرو۔“ اس روایت میں اس سے زیادہ ذکر نہیں کیا گیا۔ [مسند أبي يعلى الموصلي/مسند عمر بن الخطاب رضي الله عنه/حدیث: 150]