سیدنا ابن عباس رضی اللہ عنہما سے روایت ہے کہ جب سورج ڈھل گیا تو سیدنا عمر رضی اللہ عنہ منبر پر جلوہ افروز ہوئے اور مؤذنوں نے اذان دی، پھر آپ رضی اللہ عنہ نے خطبہ ارشاد فرمایا جس میں اللہ عزوجل کی حمد و ثنا بیان کی اور اپنے خطبے کے دوران فرمایا: ”رجم (سنگسار کرنا) شادی شدہ زانی کے لیے برحق ہے جبکہ (زنا پر) گواہیاں موجود ہوں، یا حمل ظاہر ہو جائے، یا وہ خود اعتراف کر لے، اور بلا شبہ رسول اللہ صلی اللہ علیہ وسلم نے رجم کی سزا نافذ فرمائی اور ہم نے آپ صلی اللہ علیہ وسلم کی معیت میں اور آپ صلی اللہ علیہ وسلم کے بعد بھی رجم کیا۔“ [مسند أبي يعلى الموصلي/مسند عمر بن الخطاب رضي الله عنه/حدیث: 151]