سیدنا قتادہ بن نعمان رضی اللہ عنہ سے روایت ہے کہ غزوہ بدر کے دن ان کی آنکھ مبارک زخمی ہو گئی اور آنکھ کا ڈھیلا بہہ کر ان کے رخسار پر آ گیا، صحابہ کرام نے ارادہ کیا کہ اسے کاٹ کر الگ کر دیں لیکن انہوں نے نبی کریم صلی اللہ علیہ وسلم سے اس بارے میں دریافت کیا تو آپ صلی اللہ علیہ وسلم نے ارشاد فرمایا: ”نہیں“، پھر آپ صلی اللہ علیہ وسلم نے انہیں قریب بلایا اور اپنے دستِ مبارک کی ہتھیلی سے آنکھ کے ڈھیلے کو دبا کر اس کی جگہ پر واپس کر دیا، جس کے بعد وہ آنکھ ایسی شفایاب ہوئی کہ وہ خود بھی تمیز نہیں کر پاتے تھے کہ ان کی دونوں آنکھوں میں سے کون سی آنکھ زخمی ہوئی تھی۔ [مسند أبي يعلى الموصلي/مسند قتادة بن النعمان/حدیث: 1549]