شعبی رحمہ اللہ سے مروی ہے کہ سیدنا وابصہ بن معبد رضی اللہ عنہ بیان کرتے ہیں کہ رسول اللہ صلی اللہ علیہ وسلم (نماز سے) فارغ ہوئے تو ایک شخص صفوں کے پیچھے اکیلا نماز پڑھ رہا تھا، تو آپ صلی اللہ علیہ وسلم نے اسے مخاطب کر کے ارشاد فرمایا: ”اے تنہا نماز پڑھنے والے! کیا ایسا نہ ہوتا کہ تم صف سے مل جاتے اور ان کے ساتھ شامل ہو جاتے، یا اگر تمہارے لیے جگہ تنگ تھی تو تم کسی شخص کو اپنی جانب پیچھے کھینچ لیتے؟ اپنی نماز دوبارہ پڑھو کیونکہ تمہاری نماز (درست) نہیں ہوئی۔“ [مسند أبي يعلى الموصلي/مسند وابصة بن معبد/حدیث: 1588]