سیدنا عبداللہ بن عمر رضی اللہ عنہما سے روایت ہے کہ سیدنا عمر رضی اللہ عنہ نے سیدنا اسامہ رضی اللہ عنہ کے لیے مجھ سے زیادہ وظیفہ مقرر فرمایا، جس پر میں نے عرض کیا کہ میری ہجرت اور اسامہ کی ہجرت ایک ہی جیسی ہے، تو انہوں نے فرمایا: ”بے شک ان کے والد رسول اللہ صلی اللہ علیہ وسلم کو تمہارے والد سے زیادہ محبوب تھے اور وہ خود بھی رسول اللہ صلی اللہ علیہ وسلم کو تم سے زیادہ محبوب تھے، نیز تمہیں تو تمہارے والدین ہجرت کروا کر لائے تھے۔“ [مسند أبي يعلى الموصلي/مسند عمر بن الخطاب رضي الله عنه/حدیث: 162]