سیدنا عمر رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”کیا میں تمہیں تمہارے بہترین اور بدترین حکمرانوں کی خبر نہ دوں؟ (بہترین وہ ہیں) جن سے تم محبت کرتے ہو اور وہ تم سے محبت کرتے ہیں، وہ تمہارے حق میں دعا کرتے ہیں اور تم ان کے حق میں دعا کرتے ہو، جبکہ تمہارے بدترین حکمران وہ ہیں جن سے تم بغض و عداوت رکھتے ہو اور وہ تم سے بغض رکھتے ہیں، تم ان پر لعنت بھیجتے ہو اور وہ تم پر لعنت بھیجتے ہیں۔“ [مسند أبي يعلى الموصلي/مسند عمر بن الخطاب رضي الله عنه/حدیث: 161]