سیدنا عمار رضی اللہ عنہ سے روایت ہے کہ ایک مرتبہ انہوں نے نماز ادا کی تو ایک شخص نے ان سے عرض کیا: ”اے ابوالقظان! آپ نے تو نماز بہت مختصر کر دی،“ انہوں نے فرمایا: ”کیا تم نے مجھے دیکھا ہے کہ میں نے نماز کے حدود و ضوابط میں سے کچھ کم کیا ہے؟ درحقیقت میں نے رسول اللہ صلی اللہ علیہ وسلم کو یہ ارشاد فرماتے ہوئے سنا ہے: ”بلاشبہ آدمی نماز پڑھتا ہے اور جب وہ فارغ ہوتا ہے تو اس کے لیے اس کی نماز کا صرف نصف، تہائی، چوتھائی، پانچواں، چھٹا، آٹھواں، نواں یا دسواں حصہ ہی (اجر کے طور پر) لکھا جاتا ہے۔““ [مسند أبي يعلى الموصلي/مسند عمار بن ياسر/حدیث: 1628]