سیدنا جابر بن عبداللہ رضی اللہ عنہما سے روایت ہے کہ ہم رسول اللہ صلی اللہ علیہ وسلم کے ہمراہ (اراک کے درخت کا پھل) پیلو چن رہے تھے تو آپ صلی اللہ علیہ وسلم نے ارشاد فرمایا: ”تم اس میں سے سیاہ رنگ کے پھل تلاش کیا کرو کیونکہ وہ سب سے زیادہ خوش ذائقہ ہوتے ہیں۔“ ہم نے عرض کیا: (اے اللہ کے رسول صلی اللہ علیہ وسلم !) کیا آپ بکریاں چرایا کرتے تھے؟ آپ صلی اللہ علیہ وسلم نے ارشاد فرمایا: ”جی ہاں، اور کیا کوئی ایسا نبی گزرا ہے جس نے بکریاں نہ چرائی ہوں؟“ [مسند أبي يعلى الموصلي/مسند جابر/حدیث: 2062]