سیدنا جابر رضی اللہ عنہ سے روایت ہے کہ رسول اللہ صلی اللہ علیہ وسلم فتحِ مکہ کے سال ماہِ رمضان میں مکہ مکرمہ کی جانب روانہ ہوئے تو آپ صلی اللہ علیہ وسلم نے روزہ رکھا یہاں تک کہ جب مقامِ کراع الغمیم پر پہنچے تو آپ صلی اللہ علیہ وسلم روزے سے تھے اور لوگ بھی آپ صلی اللہ علیہ وسلم کے ہمراہ روزے سے تھے۔ پھر آپ صلی اللہ علیہ وسلم سے عرض کیا گیا کہ ”لوگوں پر روزہ رکھنا نہایت شاق گزر رہا ہے اور وہ محض اس انتظار میں ہیں کہ آپ صلی اللہ علیہ وسلم کیا عمل فرماتے ہیں“، چنانچہ آپ صلی اللہ علیہ وسلم نے عصر کے بعد پانی کا ایک پیالہ طلب فرمایا اور اسے نوش فرما لیا جبکہ لوگ آپ صلی اللہ علیہ وسلم کو دیکھ رہے تھے، پھر بعض لوگوں نے روزہ افطار کر لیا اور بعض روزے سے ہی رہے، جب آپ صلی اللہ علیہ وسلم کو یہ اطلاع ملی کہ کچھ لوگوں نے ابھی تک روزہ رکھا ہوا ہے تو آپ صلی اللہ علیہ وسلم نے ارشاد فرمایا: ”وہی لوگ نافرمان ہیں“۔ [مسند أبي يعلى الموصلي/مسند جابر/حدیث: 2129]