ابوسفیان رحمہ اللہ بیان کرتے ہیں کہ میں نے سیدنا جابر رضی اللہ عنہ سے سوال کیا جبکہ وہ مکہ مکرمہ میں بنو فہر کے ہاں مقیم تھے، وہاں ایک شخص نے ان سے دریافت کیا کہ ”کیا تم لوگ اہل قبلہ میں سے کسی کو مشرک قرار دیتے تھے؟“ انہوں نے فرمایا: «مَعَاذَ اللّٰہِ» ”اللہ کی پناہ!“ اور وہ اس سوال سے سخت پریشان ہوئے، پھر اس نے پوچھا کہ ”کیا تم اپنے میں سے کسی کو کافر کہتے تھے؟“ انہوں نے فرمایا: ”نہیں۔“ [مسند أبي يعلى الموصلي/مسند جابر/حدیث: 2317]