سیدنا جابر رضی اللہ عنہ سے روایت ہے کہ رسول اللہ صلی اللہ علیہ وسلم اکثر یہ دعا مانگا کرتے تھے: «يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ» ”اے دلوں کو پھیرنے والے! میرے دل کو اپنے دین پر ثابت قدم رکھ۔“ ہم نے عرض کی: اے اللہ کے رسول صلی اللہ علیہ وسلم ! کیا آپ کو ہمارے متعلق کسی قسم کا اندیشہ ہے حالانکہ ہم اس وحی و شریعت پر ایمان لا چکے ہیں جو آپ لے کر آئے ہیں؟ تو آپ صلی اللہ علیہ وسلم نے ارشاد فرمایا: ”بے شک تمام دل (اللہ کی انگلیوں میں سے) دو انگلیوں کے درمیان ہیں“ اور راویِ حدیث اعمش رحمہ اللہ نے اپنی دو انگلیوں سے اشارہ کر کے اس کی وضاحت فرمائی۔ [مسند أبي يعلى الموصلي/مسند جابر/حدیث: 2318]