سیدنا جابر بن عبداللہ رضی اللہ عنہما سے روایت ہے کہ میں نے رسول اللہ صلی اللہ علیہ وسلم کو یہ ارشاد فرماتے ہوئے سنا کہ ”جب تم رات کے وقت کتوں کے بھونکنے یا گدھوں کے ہینگنے کی آواز سنو تو اللہ کی پناہ طلب کیا کرو؛ کیونکہ وہ ایسی مخلوق کو دیکھتے ہیں جسے تم نہیں دیکھ سکتے، اور جب رات کی خاموشی چھا جائے اور لوگوں کی آمد و رفت تھم جائے تو باہر نکلنا کم کر دیا کرو؛ کیونکہ اللہ تعالیٰ اپنی مخلوق میں سے جسے چاہتا ہے رات کے وقت (زمین پر) پھیلا دیتا ہے، اور اپنے دروازے بند کر لیا کرو اور ان پر اللہ کا نام لیا کرو؛ کیونکہ شیطان اس دروازے کو نہیں کھولتا جسے اللہ کا نام لے کر بند کیا گیا ہو، اور مٹی کے بڑے برتنوں کو ڈھانپ دیا کرو، دیگر برتنوں کو اوندھا کر دیا کرو اور مشکیزوں کے منہ (تسموں سے) باندھ دیا کرو۔“ [مسند أبي يعلى الموصلي/مسند جابر/حدیث: 2327]