سیدنا ابن عباس رضی اللہ عنہما سے روایت ہے کہ نبی کریم صلی اللہ علیہ وسلم نے ارشاد فرمایا: ”مرض کا متعدی ہونا، بدشگونی لینا، ہامہ (الو کی نحوست کا وہم) اور ماہِ صفر کی نحوست کی کوئی حقیقت نہیں ہے“، اس پر ایک شخص نے آپ صلی اللہ علیہ وسلم سے عرض کیا کہ ہم خارش زدہ بکری کو (تندرست) بکریوں کے ریوڑ میں شامل کرتے ہیں تو وہ بھی خارش زدہ ہو جاتی ہیں، آپ صلی اللہ علیہ وسلم نے فرمایا: ”تو پھر سب سے پہلی بکری کو کس نے بیماری لگائی تھی؟“ [مسند أبي يعلى الموصلي/أول مسند ابن عباس/حدیث: 2333]