سیدنا عبداللہ بن عباس رضی اللہ عنہما سے روایت ہے، ابو موسیٰ الصفار رحمہ اللہ بیان کرتے ہیں کہ میں نے سیدنا ابن عباس رضی اللہ عنہما سے دریافت کیا یا ان سے پوچھا گیا کہ کون سا صدقہ سب سے افضل ہے؟ تو انہوں نے کہا کہ رسول اللہ صلی اللہ علیہ وسلم نے ارشاد فرمایا: ”سب سے افضل صدقہ پانی (پلانا) ہے، کیا تم نے اہل جہنم کا وہ تذکرہ نہیں سنا جب انہوں نے اہل جنت سے فریاد کرتے ہوئے کہا تھا: ﴿أَفِيضُوا عَلَيْنَا مِنَ الْمَاءِ أَوْ مِمَّا رَزَقَكُمُ اللَّهُ﴾ ”ہم پر تھوڑا پانی بہا دو یا اس رزق میں سے کچھ حصہ دے دو جو اللہ نے تمہیں عطا فرمایا ہے۔““ [مسند أبي يعلى الموصلي/أول مسند ابن عباس/حدیث: 2673]