سیدنا ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے ارشاد فرمایا: «وَاللَّهِ، لَأَغْزُوَنَّ قُرَيْشًا، وَاللَّهِ لَأَغْزُوَنَّ قُرَيْشًا، وَاللَّهِ لَأَغْزُوَنَّ قُرَيْشًا، إِنْ شَاءَ اللَّهُ» ”اللہ کی قسم! میں قریش سے ضرور جنگ کروں گا، اللہ کی قسم! میں قریش سے ضرور جنگ کروں گا، اللہ کی قسم! میں قریش سے ضرور جنگ کروں گا، اگر اللہ نے چاہا“، راوی کا بیان ہے کہ یہ الفاظ میرے حافظے کے مطابق ہیں یا اسی کے مثل (آپ صلی اللہ علیہ وسلم نے) کوئی اور کلمہ ارشاد فرمایا تھا۔ [مسند أبي يعلى الموصلي/أول مسند ابن عباس/حدیث: 2674]