سیدنا انس رضی اللہ عنہ سے روایت ہے کہ نبی کریم صلی اللہ علیہ وسلم نے ارشاد فرمایا: ”وہ شخص آگ سے نکال لیا جائے گا جس نے «لَا إِلَهَ إِلَّا اللَّهُ» ”اللہ کے سوا کوئی معبودِ برحق نہیں“ کہا ہو اور اس کے دل میں جو کے دانے کے وزن کے برابر بھی خیر (ایمان) موجود ہو،“ پھر آپ صلی اللہ علیہ وسلم نے فرمایا: ”وہ شخص بھی جہنم سے نکال لیا جائے گا جس نے «لَا إِلَهَ إِلَّا اللَّهُ» ”اللہ کے سوا کوئی معبودِ برحق نہیں“ کہا ہو اور اس کے دل میں گندم کے دانے کے وزن کے برابر خیر ہو،“ پھر مزید ارشاد فرمایا: ”وہ شخص بھی آگ سے نکال لیا جائے گا جس نے «لَا إِلَهَ إِلَّا اللَّهُ» ”اللہ کے سوا کوئی معبودِ برحق نہیں“ کہا ہو اور اس کے دل میں ایک ذرہ کے وزن کے برابر بھی خیر موجود ہو۔“ [مسند أبي يعلى الموصلي/مسند أنس بن مالك/حدیث: 2889]