قتادہ رحمہ اللہ بیان کرتے ہیں کہ ہم سیدنا انس رضی اللہ عنہ کی خدمت میں حاضر ہوا کرتے تھے اور ان کا نانبائی (روٹی پکانے کے لیے) کھڑا ہوتا تھا، تو انہوں نے فرمایا: ”تم لوگ کھاؤ! کیونکہ میرے علم کے مطابق رسول اللہ صلی اللہ علیہ وسلم نے اپنی آنکھوں سے کبھی پتلی اور عمدہ روٹی نہیں دیکھی اور نہ ہی کبھی بھنی ہوئی بکری دیکھی، یہاں تک کہ آپ صلی اللہ علیہ وسلم اللہ عزوجل سے جا ملے۔“ [مسند أبي يعلى الموصلي/مسند أنس بن مالك/حدیث: 2890]