سیدنا انس بن مالک رضی اللہ عنہ سے روایت ہے کہ انہوں نے ایک دن فرمایا: ”میں تمہیں یقیناً ایک ایسی حدیث سناؤں گا جو میرے بعد تمہیں کوئی اور نہیں سنائے گا، میں نے اسے رسول اللہ صلی اللہ علیہ وسلم سے سنا ہے؛ میں نے رسول اللہ صلی اللہ علیہ وسلم کو یہ فرماتے ہوئے سنا: ”قیامت قائم نہیں ہو گی — یا آپ صلی اللہ علیہ وسلم نے فرمایا — قیامت کی علامات میں سے یہ ہے کہ علم اٹھا لیا جائے گا، جہالت غالب آ جائے گی، علانیہ شراب پی جائے گی، زنا کاری عام ہو جائے گی، مردوں کی تعداد کم ہو جائے گی اور عورتوں کی کثرت ہو جائے گی، یہاں تک کہ پچاس عورتوں کا نگران و سرپرست صرف ایک مرد رہ جائے گا۔““ [مسند أبي يعلى الموصلي/مسند أنس بن مالك/حدیث: 2892]