قتادہ رحمہ اللہ بیان کرتے ہیں کہ میں نے سیدنا انس رضی اللہ عنہ سے دریافت کیا کہ کیا رسول اللہ صلی اللہ علیہ وسلم نے خضاب استعمال فرمایا تھا؟ تو انہوں نے جواب دیا کہ ”آپ صلی اللہ علیہ وسلم بڑھاپے کی اس حد کو نہیں پہنچے تھے کہ خضاب کی ضرورت پڑتی، آپ صلی اللہ علیہ وسلم کے سفید بال تو محض کنپٹیوں میں تھے، البتہ سیدنا ابوبکر اور سیدنا عمر رضی اللہ عنہما مہندی اور کتم کا خضاب لگایا کرتے تھے۔“ [مسند أبي يعلى الموصلي/مسند أنس بن مالك/حدیث: 2893]