سیدنا انس رضی اللہ عنہ سے روایت ہے کہ ”میں نے نبی اکرم صلی اللہ علیہ وسلم کو آپ کے صحابہ کرام رضی اللہ عنہم کے ہمراہ مقامِ زوراء پر دیکھا - یا آپ نے فرمایا کہ مدینہ منورہ کے مکانات کے قریب - تو آپ صلی اللہ علیہ وسلم نے وضو کا ارادہ فرمایا، پس آپ صلی اللہ علیہ وسلم کی خدمت میں ایک پیالہ لایا گیا جس میں تھوڑا سا پانی تھا، آپ صلی اللہ علیہ وسلم نے اپنا دستِ مبارک اس پیالے پر رکھا تو آپ صلی اللہ علیہ وسلم کی انگشتانِ مبارک کے درمیان سے پانی (چشمے کی طرح) ابلنے لگا یہاں تک کہ ان تمام لوگوں نے وضو کر لیا“، قتادہ رحمہ اللہ کہتے ہیں کہ میں نے سیدنا انس رضی اللہ عنہ سے پوچھا کہ آپ لوگ اس وقت کتنے تھے؟ تو انہوں نے جواب دیا کہ ”تقریباً تین سو“۔ [مسند أبي يعلى الموصلي/مسند أنس بن مالك/حدیث: 2895]