سیدنا انس رضی اللہ عنہ سے روایت ہے کہ سیدہ ام سلیم رضی اللہ عنہا نے رسول اللہ صلی اللہ علیہ وسلم سے اس عورت کے متعلق دریافت کیا جو خواب میں وہی کچھ دیکھتی ہے جو ایک مرد دیکھتا ہے (یعنی احتلام)، تو رسول اللہ صلی اللہ علیہ وسلم نے ارشاد فرمایا: ”جب عورت وہ رطوبت دیکھ لے اور اسے انزال ہو جائے تو اس پر غسل واجب ہے“، سیدہ ام سلیم رضی اللہ عنہا نے عرض کی: یا رسول اللہ! کیا واقعی ایسا ہوتا ہے؟ آپ صلی اللہ علیہ وسلم نے فرمایا: ”ہاں، مرد کا مادہ منویہ گاڑھا اور سفید ہوتا ہے جبکہ عورت کا مادہ پتلا اور زرد ہوتا ہے، پس ان دونوں میں سے جو بھی سبقت لے جائے یا غالب آ جائے، بچہ اسی کے مشابہ ہوتا ہے“۔ [مسند أبي يعلى الموصلي/مسند أنس بن مالك/حدیث: 2920]