سیدنا انس رضی اللہ عنہ سے روایت ہے کہ نبی اللہ صلی اللہ علیہ وسلم نے شراب نوشی پر کھجور کی شاخوں اور جوتوں سے مارا، پھر سیدنا ابوبکر رضی اللہ عنہ نے چالیس کوڑے لگائے۔ جب سیدنا عمر رضی اللہ عنہ کا زمانہ آیا اور لوگ دیہات اور آبادیوں کے قریب جا بسے تو انہوں نے پوچھا: ”شراب نوشی کی سزا کے بارے میں تمہاری کیا رائے ہے؟“ سیدنا عبدالرحمن بن عوف رضی اللہ عنہ نے کہا: ”میری رائے ہے کہ اسے حدود میں سب سے ہلکی حد کے برابر کر دیں۔“ چنانچہ سیدنا عمر رضی اللہ عنہ نے اسی کوڑے لگائے۔ [مسند أبي يعلى الموصلي/مسند أنس بن مالك/حدیث: 3015]