سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے سیدنا ابی بن کعب رضی اللہ عنہ سے فرمایا: ”بے شک میرے رب نے مجھے حکم دیا ہے کہ میں تمہیں (قرآن) پڑھ کر سناؤں۔“ انہوں نے عرض کی: کیا اللہ تعالیٰ نے آپ کے سامنے میرا نام لے کر تذکرہ فرمایا ہے؟ آپ صلی اللہ علیہ وسلم نے ارشاد فرمایا: ”ہاں، اس نے میرے حضور تمہارا نام لیا ہے۔“ سیدنا انس رضی اللہ عنہ فرماتے ہیں کہ (یہ سن کر) سیدنا ابی رضی اللہ عنہ (فرطِ مسرت سے) رو پڑے۔ معمر رحمہ اللہ کا بیان ہے کہ ابان رحمہ اللہ نے کہا کہ سیدنا انس رضی اللہ عنہ نے (از راہِ اشتیاق) دریافت کیا: ”کیا وہاں میرا تذکرہ بھی ہوا تھا؟“ [مسند أبي يعلى الموصلي/مسند أنس بن مالك/حدیث: 3033]