سیدنا انس رضی اللہ عنہ سے روایت ہے کہ انہوں نے فرمایا: ”جب سیدنا سعد بن معاذ رضی اللہ عنہ کا جنازہ اٹھایا گیا تو منافقین کہنے لگے: ”ان کا جنازہ کتنا ہلکا ہے!“ اور ان کا یہ تبصرہ بنو قریظہ کے معاملے میں سیدنا سعد رضی اللہ عنہ کے (فیصلہ کن) حکم کی وجہ سے (بغض و عناد پر مبنی) تھا، جب یہ بات نبی کریم صلی اللہ علیہ وسلم تک پہنچی تو آپ صلی اللہ علیہ وسلم نے ارشاد فرمایا: ”بے شک فرشتے ان کا جنازہ اٹھائے ہوئے تھے۔““ [مسند أبي يعلى الموصلي/مسند أنس بن مالك/حدیث: 3034]