سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم کے صحابہ رضی اللہ عنہم نے عرض کی: ”اے اللہ کے رسول صلی اللہ علیہ وسلم ! جب ہم آپ کی خدمت میں حاضر ہوتے ہیں تو اپنے دلوں میں وہ ایمانی کیفیت پاتے ہیں جو ہمیں محبوب ہے، مگر جب ہم اپنے اہل و عیال میں واپس جا کر ان کے ساتھ گھل مل جاتے ہیں تو اپنے نفوس میں وہ پہلی سی بات نہیں پاتے،“ اس پر نبی صلی اللہ علیہ وسلم نے ارشاد فرمایا: ”اگر تم تنہائی میں بھی اسی حالت پر مداومت اختیار کر لو جس پر میرے پاس ہوتے ہو، تو فرشتے تم سے مصافحہ کرنے لگیں یہاں تک کہ وہ اعلانیہ طور پر اپنے پروں سے تم پر سایہ فگن ہو جائیں، لیکن (انسانی زندگی میں) کچھ وقت اللہ کے لیے ہے اور کچھ وقت دنیاوی ضرورتوں کے لیے ہے۔“ [مسند أبي يعلى الموصلي/مسند أنس بن مالك/حدیث: 3035]