سیدنا انس رضی اللہ عنہ سے روایت ہے کہ ایک مرتبہ مدینہ منورہ میں دشمن کے حملے کا خوف پیدا ہوا تو رسول اللہ صلی اللہ علیہ وسلم نے سیدنا ابو طلحہ رضی اللہ عنہ کے ایک گھوڑے پر سواری فرمائی جو کہ سست رفتاری کی وجہ سے قدم مار کر چلتا تھا، پھر جب اللہ کے نبی صلی اللہ علیہ وسلم (حالات کا جائزہ لینے کے بعد) واپس تشریف لائے تو آپ صلی اللہ علیہ وسلم نے ارشاد فرمایا: «وَجَدْنَاهُ بَحْرًا مِنَ الْبُحُورِ» ”ہم نے تو اسے (تیزی و روانی میں) سمندروں میں سے ایک سمندر پایا ہے“ راوی بیان کرتے ہیں کہ اس کے بعد اس گھوڑے کی تیزی کا یہ عالم تھا کہ کوئی دوسرا گھوڑا اس کا مقابلہ نہ کر سکتا تھا۔ [مسند أبي يعلى الموصلي/مسند أنس بن مالك/حدیث: 3152]