سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”تم میں سے کوئی شخص ایمان کی حلاوت اور چاشنی اس وقت تک نہیں پا سکتا جب تک کہ اللہ اور اس کا رسول اسے باقی ہر چیز سے زیادہ محبوب نہ ہو جائیں، اور وہ کسی شخص سے صرف اللہ کی رضا کی خاطر محبت کرے، اور کفر سے اللہ کے نجات عطا فرما دینے کے بعد دوبارہ اس میں لوٹنا اسے اتنا ہی ناگوار ہو جیسے اسے آگ میں ڈالا جانا ناگوار گزرتا ہے۔“ [مسند أبي يعلى الموصلي/مسند أنس بن مالك/حدیث: 3259]