سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”اللہ تعالیٰ کے ہاں بھلائی اور اجر پانے والا کوئی بھی ایسا بندہ نہیں ہے جو (وفات کے بعد) دنیا میں واپس آنے کو پسند کرتا ہو، سوائے شہید کے؛ وہ یہ تمنا کرتا ہے کہ وہ دنیا میں لوٹ جائے اور دس مرتبہ پھر (اللہ کی راہ میں) قتل کیا جائے، کیونکہ وہ اس مرتبۂ شہادت اور اعزاز و اکرام کی فضیلت کا مشاہدہ کر لیتا ہے (جو اللہ کی طرف سے اسے عطا کیا جاتا ہے)۔“ [مسند أبي يعلى الموصلي/مسند أنس بن مالك/حدیث: 3260]