سیدنا انس رضی اللہ عنہ سے روایت ہے کہ سیدنا ابو طلحہ انصاری رضی اللہ عنہ غزوہ احد کے دن رسول اللہ صلی اللہ علیہ وسلم کے سامنے (دفاع کرتے ہوئے) تیر اندازی کر رہے تھے اور رسول اللہ صلی اللہ علیہ وسلم ان کے پیچھے تشریف فرما تھے، سیدنا ابو طلحہ رضی اللہ عنہ ایک نہایت مشاق تیر انداز تھے اور صورتحال یہ تھی کہ ”جب بھی وہ تیر چلاتے تو نبی کریم صلی اللہ علیہ وسلم اپنا سرِ مبارک (یا جسدِ اطہر) بلند فرما کر یہ دیکھتے کہ ان کا تیر کہاں جا کر گرا ہے“۔ [مسند أبي يعلى الموصلي/مسند أنس بن مالك/حدیث: 3412]