سیدنا انس رضی اللہ عنہ سے روایت ہے کہ سیدنا مغیرہ بن شعبہ رضی اللہ عنہ نے ایک خاتون سے نکاح کا ارادہ کیا اور اس کا تذکرہ نبی کریم صلی اللہ علیہ وسلم سے کیا تو آپ صلی اللہ علیہ وسلم نے ارشاد فرمایا: «اذْهَبْ فَانْظُرْ إِلَيْهَا، فَإِنَّهُ أَجْدَرُ أَنْ يُؤْدَمَ بَيْنَكُمَا» ”تم جاؤ اور اسے (ایک نظر) دیکھ لو، کیونکہ یہ تم دونوں کے درمیان الفت ومحبت اور باہمی نباہ کے لیے زیادہ موزوں ہے“۔ سیدنا انس رضی اللہ عنہ فرماتے ہیں کہ انہوں نے ایسا ہی کیا، پھر ان سے نکاح کر لیا اور بعد ازاں ان کی مثالی موافقت اور باہمی ہم آہنگی کا تذکرہ کیا۔ [مسند أبي يعلى الموصلي/مسند أنس بن مالك/حدیث: 3438]