سیدنا انس رضی اللہ عنہ سے روایت ہے کہ ایک شخص نے عرض کیا: ”اے اللہ کے رسول صلی اللہ علیہ وسلم ! میں فلاں شخص سے اللہ کی رضا کی خاطر محبت کرتا ہوں۔“ آپ صلی اللہ علیہ وسلم نے دریافت فرمایا: ”کیا تم نے اسے اس بات کی خبر دے دی ہے؟“ اس نے عرض کیا: ”نہیں۔“ آپ صلی اللہ علیہ وسلم نے ارشاد فرمایا: ”تو پھر اس کے پاس جاؤ اور اسے بتا دو۔“ راوی کہتے ہیں کہ وہ شخص اس کے پاس گیا اور اسے آگاہ کیا کہ ”اے فلاں! میں اللہ کی خاطر تم سے محبت کرتا ہوں“، تو اس نے جواب دیا: «أَحَبَّكَ الَّذِي أَحْبَبْتَنِي لَهُ» ”اللہ بھی تجھ سے محبت فرمائے جس کی خاطر تو نے مجھ سے محبت کی ہے۔“ [مسند أبي يعلى الموصلي/مسند أنس بن مالك/حدیث: 3442]