ابو الغریف رحمہ اللہ سے روایت ہے کہ سیدنا علی رضی اللہ عنہ کے پاس وضو کا پانی لایا گیا، تو آپ نے تین مرتبہ کلی کی اور ناک میں پانی چڑھایا، پھر تین مرتبہ اپنا چہرہ دھویا، اور اپنے دونوں ہاتھوں کو بازوؤں سمیت تین تین بار دھویا، پھر اپنے سر کا مسح کیا اور اپنے پاؤں دھوئے، پھر فرمایا: ”میں نے رسول اللہ صلی اللہ علیہ وسلم کو اسی طرح وضو فرماتے دیکھا ہے“، پھر آپ رضی اللہ عنہ نے قرآنِ کریم کا کچھ حصہ تلاوت فرمایا اور ارشاد فرمایا: ”یہ (تلاوت کرنا) اس شخص کے لیے ہے جو جنبی نہ ہو، رہا وہ شخص جو حالتِ جنابت میں ہو تو اللہ کی قسم! وہ (قرآن) بالکل نہ پڑھے“۔ [مسند أبي يعلى الموصلي/مسند علي بن أبي طالب رضي الله عنه/حدیث: 365]