سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”جس رات مجھے معراج کرائی گئی، میرا گزر ایسے لوگوں پر ہوا جن کے ہونٹ آگ کی قینچیوں سے کترے جا رہے تھے، میں نے دریافت کیا: اے جبریل! یہ کون لوگ ہیں؟ انہوں نے عرض کیا: یہ آپ کی امت کے وہ خطیب ہیں جو لوگوں کو تو نیکی کی تلقین کرتے تھے لیکن اپنی جانوں کو فراموش کر دیتے تھے، حالانکہ وہ کتاب اللہ کی تلاوت بھی کرتے تھے، ﴿أَفَلَا يَعْقِلُونَ﴾ ”تو کیا وہ عقل سے کام نہیں لیتے؟“۔“ [مسند أبي يعلى الموصلي/مسند أنس بن مالك/حدیث: 3992]