سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”جس شب مجھے معراج کرائی گئی، میرا گزر ایسے لوگوں پر ہوا جن کے ہونٹ آگ کی قینچیوں سے کترے جا رہے تھے، میں نے دریافت کیا کہ یہ کون لوگ ہیں؟ تو (جبرائیل علیہ السلام نے) بتایا کہ یہ دنیا کے وہ خطباء (مقررین) ہیں جو ﴿يَأْمُرُونَ النَّاسَ بِالْبِرِّ وَيَنْسَوْنَ أَنْفُسِهِمْ وَهُمْ يَتْلُونَ الْكِتَابَ ۚ أَفَلَا يَعْقِلُونَ﴾ ”لوگوں کو تو نیکی کا حکم دیتے تھے اور اپنے آپ کو بھول جاتے تھے، حالانکہ وہ اللہ کی کتاب کی تلاوت بھی کرتے تھے؛ کیا وہ عقل سے کام نہیں لیتے تھے؟““ [مسند أبي يعلى الموصلي/مسند أنس بن مالك/حدیث: 3996]