سیدنا انس رضی اللہ عنہ سے روایت ہے کہ جب غزوۂ احد کے دن مشرکین نے رسول اللہ صلی اللہ علیہ وسلم کو نرغے میں لے لیا تو آپ صلی اللہ علیہ وسلم نے فرمایا: «مَنْ يَرُدُّهُمْ عَنَّا وَهُوَ رَفِيقِي فِي الْجَنَّةِ» ”کون ہے جو انہیں ہم سے دور ہٹائے گا اور وہ جنت میں میرا رفیق ہوگا؟“، یہ سن کر انصار میں سے ایک شخص کھڑا ہوا اور وہ لڑتے ہوئے یہاں تک کہ شہید ہو گیا، پھر ایک اور شخص کھڑا ہوا جو انہیں پیچھے دھکیلتا رہا یہاں تک کہ اسی طرح یکے بعد دیگرے سات افراد شہید ہو گئے، تو رسول اللہ صلی اللہ علیہ وسلم نے (انصار کی اس عظیم فداکاری اور پیہم شہادتوں کو دیکھ کر) فرمایا: «مَا أَنْصَفْنَا أَصْحَابَنَا» ”ہم نے اپنے ان (انصاری) ساتھیوں کے ساتھ انصاف نہیں کیا (کہ وہ سب شہید ہو گئے)۔“ [مسند أبي يعلى الموصلي/مسند أنس بن مالك/حدیث: 3995]