سیدنا انس رضی اللہ عنہ سے روایت ہے کہ نبی کریم صلی اللہ علیہ وسلم جب (تیز) ہوا چلتے ہوئے دیکھتے تو آپ صلی اللہ علیہ وسلم پر تشویش اور گھبراہٹ کے آثار طاری ہو جاتے اور آپ صلی اللہ علیہ وسلم یوں التجا فرماتے: «اللَّهُمَّ إِنِّي أَسْأَلُكَ مِنْ خَيْرِ مَا أُمِرَتْ بِهِ، اللَّهُمَّ إِنِّي أَعُوذُ بِكَ مِنْ شَرِّ مَا أُرْسِلَتْ بِهِ» ”اے اللہ! میں تجھ سے اس خیر و بھلائی کا سوال کرتا ہوں جس کا اس ہوا کو حکم دیا گیا ہے، اور اے اللہ! میں تیری پناہ مانگتا ہوں اس شر سے جس کے ساتھ اسے بھیجا گیا ہے۔“ [مسند أبي يعلى الموصلي/مسند أنس بن مالك/حدیث: 4012]