سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے مجھ سے فرمایا: ”اے انس! وضو کامل طریقے سے (اعضاء کو اچھی طرح دھو کر) کیا کرو، تمہاری عمر میں اضافہ کیا جائے گا، میری امت میں سے جس سے بھی تمہاری ملاقات ہو اسے سلام کیا کرو، تمہاری نیکیاں کثرت سے بڑھیں گی، اور جب تم اپنے گھر میں داخل ہو تو اپنے اہل خانہ کو سلام کیا کرو، تمہارے گھر کی خیر و برکت زیادہ ہوگی، اور چاشت کی نماز ادا کیا کرو کیونکہ یہ تم سے پہلے گزرے ہوئے اللہ کی طرف رجوع کرنے والے صالحین کی نماز ہے“، نیز آپ صلی اللہ علیہ وسلم نے فرمایا: ”اے انس! چھوٹوں پر شفقت کرو اور بڑوں کی عزت و توقیر کرو، (ان صفات کو اپنا کر) تم (جنت میں) میرے رفقاء میں شامل ہو جاؤ گے۔“ [مسند أبي يعلى الموصلي/مسند أنس بن مالك/حدیث: 4183]